တစ်ပတ်အတွင်း ဈေးနှုန်း အပြောင်းအလဲ ဖြစ်ပေါ်ခဲ့သည့် သီးနှံများ

ဒီတစ်ပတ်မှာတော့ ဈေးအမြင့်ဆုံး တက်လာတာက ဆန်ဈေး ပဲ ဖြစ်ပါတယ်။ ဆန်ကြမ်းဈေးကလည်း အနည်းငယ်တက် လာပါတယ်။ ထပ်ပြီး ဈေးတက်လာတာကတော့ ကြက်သွန်နီ ပဲ ဖြစ်ပါတယ်။ .. ရွှေဘိုပေါ်ဆန်းမွှေး ဒီတစ်ပတ်မှာ ဈေးတက်လာတာကတော့ ရွှေဘိုပေါ် ဆန်းမွှေးပဲ ဖြစ်ပါတယ်။ ရက်အတော်ကြာ ကုန်စည်ဒိုင်မှာ အရောင်းအဝယ်မဖြစ်ဘဲ ငြိမ်နေခဲ့ပြီး ကုန်စည်ဒိုင်ပြန်ဖွင့်တဲ့ အချိန်မှာတော့ တစ်အိတ်ကိုငွေကျပ် ၅ဝဝဝ လောက် ဈေးက မြင့်တက်လာပါတယ်။ .. လက်ရှိမှာ ဆန်အသစ်တွေ ဝင်နေပေမယ့် အဟောင်း ကိုသာ စားသုံးနေသေးတဲ့အတွက် အဟောင်းတွေက တဖြည်းဖြည်းဈေးမြင့်လာတာဖြစ်တယ်လို့ ဆန်ကုန်သည် အချို့က ဆိုပါတယ်။ .. လက်ရှိ ရွှေဘိုပေါ်ဆန်းမွှေးက တစ်အိတ်ကို အနိမ့်ဆုံး ဈေး ငွေကျပ် ၅၅ဝဝဝ ကနေ အမြင့်ဆုံးဈေး ၆ဝဝဝဝ ပေါက် ဈေး ရှိနေပြီး နိုဝင်ဘာလ အစမှာတော့ တစ်အိတ်ကိုအနိမ့် ဆုံးဈေးငွေကျပ် ၄၈၅ဝဝ ကနေ အမြင့်ဆုံးဈေး ငွေကျပ် ၅၁ဝဝဝ ပေါက်ဈေးသာ ရှိပါတယ်။ ၁၅ ရက်အတွင်း တစ်အိတ် ကို ငွေကျပ် ၁ဝဝဝဝ နီးပါး ဈေးတက်လာပါတယ်။ .. ပဲကြီး (ရွှေကျွန်း၊ ကုန်း)ဈေး ဆက်တက် ပြီးခဲ့တဲ့ အပတ်က ဈေးအမြင့်ဆုံး ဈေးတက်လာခဲ့တဲ့ ပဲကြီး (ရွှေကျွန်း၊ ကုန်း)က ဒီတစ်ပတ်မှာလည်း ဈေးဆက် တက်နေပါတယ်။ ပဲကြီးကတော့ အဓိက ပြည်တွင်းမှာသာ ရောင်းချနေတာဖြစ်တဲ့အတွက် ပဲကြော်ဖိုလုပ်ငန်းတွေက အဝယ်များတဲ့အလျောက် ဈေးက ဆက်တက်နေတာပဲ ဖြစ်ပါတယ်။ ပြီးခဲ့တဲ့အပတ်က တစ်တင်းကို ငွေကျပ် ၆၉ဝဝဝ ဈေး ရရှိခဲ့ပြီး ဒီတပတ်မှာတော့ တစ်တင်းကိုငွေကျပ် ၇၁ဝဝဝ ကျော်အထိ ဈေးကရရှိနေပါတယ်။ ပဲကြီးကတော့ လတ် တစ်လော ပဲမျိုးစုံတွေထဲမှာ ဈေးအများဆုံးရရှိတဲ့ပဲလည်း ဖြစ်နေပါတယ်။ .. ကုလားပဲလုံးဈေးကျဆင်း ဒီတစ်ပတ်မှာလည်း ကုလားပဲလုံးက ဈေးထပ်ပြီး ကျဆင်းသွားပါတယ်။ ဒီတစ်ပတ်မှာ အနည်းငယ်ထူးခြားတာ ကတော့ အိန္ဒိယနိုင်ငံမှာ ကုလားပဲကို တင်သွင်းမှု ကန့်သတ် မယ်၊ ဒါမှမဟုတ် ပို့ကုန်ဖွင့်ပေးမယ်ဆိုတဲ့ သတင်းတွေ ကောလာ ဟလပျံ့နှံ့နေတယ်လို့ သိရပါတယ်။ မြန်မာနိုင်ငံကလည်း ကုလားပဲလုံးကို အိန္ဒိယနိုင်ငံကို အဓိကတင်ပို့တာကြောင့် သတင်းသာ အမှန်ဖြစ်ရင် ကုလားပဲဈေးတွေ မြင့်တက်လာနိုင် ပါတယ်။ .. လက်ရှိမှာက အိန္ဒိယနိုင်ငံမှာ ကုလားပဲက စိုက်ဧက တိုးတဲ့ အတွက် ဈေးကကျဆင်းနေပါတယ်။ မြန်မာနိုင်ငံမှာတော့ ပဲအဝင်တွေ သိပ်မရှိသေးဘဲ လက်ကျန်ကို တစ်နေ့ အိတ် ၅ဝဝ ခန့်ရောင်းချနေတဲ့ အနေအထားဖြစ်နေပါတယ်။ .. မုံရွာကုန်စည်ဒိုင်ပေါက်ဈေးအရ ဒီတစ်ပတ်မှာ ကုလားပဲ လုံးဝါကြီးကတော့ တစ်တင်းကိုငွေကျပ် ၃၅ဝဝဝ ပေါက်ဈေး ရှိနေပြီးငွေကျပ် ၁ဝဝဝ၊ ကုလားပဲလုံးဝါသေးကတော့ တစ်တင်း ကိုငွေကျပ် ၃၇၅ဝဝ ပေါက်ဈေးရှိနေပြီး တစ်တင်းကိုငွေကျပ် ၁၅ဝဝ၊ ကုလားပဲလုံးဖြူသေးကတော့ တစ်တင်းကိုငွေကျပ် ၃၈ဝဝဝပေါက်ဈေးရှိနေပြီး တစ်တင်းကို ငွေကျပ် ၂ဝဝဝ အသီး သီးဈေးကျဆင်းသွားပါတယ်။ .. ပဲတီစိမ်းဈေးတက် ဒီတစ်ပတ် ပြည်ကုန်စည်ဒိုင်မှာတော့ ပဲတီစိမ်းဈေးက မြင့်တက်လာပါတယ်။ တစ်တင်းကိုငွေကျပ် ၁၅ဝဝ လောက် ဈေးက မြင့်တက်ခဲ့ပါတယ်။ လတ်တလော ဆောင်းပဲတီစိမ်း တွေက အဝင်များလာပြီး မ္တလေးအဝယ်သမားတွေ ကြောင့် ဈေးကမြင့်တက်နေပါတယ်။ ပဲတီစိမ်းကတော့ အဓိက ကံမ၊ ပန်းတောင်း၊ ပေါက်ခေါင်း စတဲ့ အနီးတစ်ဝိုက်ဒေသကအဝင် ရှိနေပြီး နေ့စဉ် အိတ် ၅ဝဝ အထိ ဝင်ရောက်နေပါတယ်။ ပြီးခဲ့တဲ့ အပတ်က တစ်တင်းကို ငွေကျပ် ၂၇၅ဝဝ ပေါက်ဈေး ရှိခဲ့ပြီး ဒီတစ်ပတ်မှာတော့ တစ်တင်းကိုငွေကျပ် ၂၉ဝဝဝ အထိ ဈေးကမြင့်တက်ခဲ့ပါတယ်။ .. ရန်ကုန်ဘုရင့်နောင် ဈေးကွက်မှာလည်း ပဲတီစိမ်းပခုက္ကူ၊ ပဲခူးရွှေဝါတို့က တစ်ပိဿာကိုငွေကျပ် ၂ဝ လောက် ဈေးမြင့် တက်ခဲ့ပါတယ်။ .. ရှမ်းချင်းတွေ ဈေးတက် လက်ရှိအောင်ပန်းဈေးကွက်မှာ ချင်းတွေ အဝင်များလာတဲ့ အတွက်ချင်းတွေက ဈေးတက်နေပါတယ်။ အဓိက ရှမ်းချင်း တွေကို ပြည်တွင်းက ပိုမိုစားသုံးပြီး လှောင်လက်တွေကလည်း အထားခံတဲ့အတွက် အဝယ်သွက်နေပါတယ်။ အောင်ပန်းချင်း ကိုတော့ အဓိက အောက်ပိုင်းဒေသက အဝယ်များပါတယ်။ .. ပြီးခဲ့တဲ့အပတ်က အောင်ပန်းမှာ ချင်း(အစို)က တစ်ပိဿာ ကိုငွေကျပ် ၁ဝဝ $လောက်ဈေးတက်ပြီး လက်ရှိပေါက်ဈေးက ငွေကျပ် ၄၆ဝ ကျော်ရှိပါတယ်။ ချင်းအခြောက်ကလည်း လက်ရှိမှာ တစ်ပိဿာကိုငွေကျပ် ၁ဝဝဝ ကျော်ပေါက်ဈေးရှိနေပြီး ချင်းအခြောက်ကိုတော့ နယ်စပ် ကနေတစ်ဆင့် တရုတ်နိုင်ငံကို တင်ပို့ပါတယ်။ .. ကြက်သွန်နီဈေးတက် ကြက်သွန်နီဈေးကတော့ လက်ရှိအချိန်ထိ ဈေးအတက် အကျတည်ငြိမ်မှုမရှိသေးပါဘူး။ ဈေးအတက်အကျ တည်ငြိမ်မှု မရှိပေမယ့် အတက်ဈေးနဲ့ပဲ ဈေးကရှိနေဆဲပါ။ လက်ရှိမှာ ကြက်သွန်လက်ကျန်က နည်းနေပြီး အဝင်မရှိ သေးတဲ့အတွက် ဈေးက တက်နေတာပဲ ဖြစ်ပါတယ်။ဈေးတက်နေတဲ့အတွက် ကုန်စည်ဒိုင်တွေမှာ အရောင်း အဝယ်က အတော့်ကိုအေးနေတဲ့ အနေအထားရှိပါတယ်။ မကြာခင် ကြက်သွန်နီအသစ်တွေ ဈေးကွက်ကို ဝင် ရောက်လာတော့မှာ ဖြစ်တဲ့အတွက် ဈေးကကျဆင်းသွား နိုင်ပါတယ်။ .. လက်ရှိ ရန်ကုန်ဘုရင့်နောင်ကုန်စည်ဒိုင်မှာတော့ ကြက် သွန်နီက တစ်ပိဿာကို အနိမ့်ဆုံးဈေး ငွေကျပ် ၂၁ဝဝ ကနေ အမြင့်ဆုံးဈေးငွေကျပ် ၂၇ဝဝ ရှိပြီး ပြည်ကုန်စည်ဒိုင်မှာတော့ အနိမ့်ဆုံးဈေးငွေကျပ် ၂၁၅ဝ ကနေငွေကျပ် ၂၆ဝဝ၊ မြင်းခြံ ကုန်စည်ဒိုင်မှာတော့ငွေကျပ် ၂ဝ၇၅ $ကနေ ငွေကျပ် ၂၄၅ဝ အထိ အမြင့်ဆုံးဈေး ရရှိနေပါတယ်။ တစ်ပတ်အတွင်း တစ်ပိဿာကိုငွေကျပ် ၂ဝဝ လောက် ဈေးက မြင့်တက်သွားခဲ့ပါတယ်။ .. ဇာလင်းသူ (AMIA)၊ ဓာတ်ပုံ- မေမိုးသဲ မြန်မာအလင်း

ဘင်္ဂါလီအရေးကို တရုတ်က ကူညီဖြေရှင်းပေးမည်ဟု တရုတ်နိုင်ငံခြားရေးဝန်ကြီး ၀မ်ယီ ပြောကြား

ဘင်္ဂလားဒေ့ရ်ှနိုင်ငံ၏ မြို့တော်ဒါကာသို့ သွားရောက်ခဲ့သော တရုတ်နိုင်ငံခြားရေးဝန်ကြီး ၀မ်ယီက ဘင်္ဂါလီပြဿနာ (မူရင်းတွင် ရိုဟင်ဂျာဟု ဖော်ပြ) အား ကူညီဖြေရှင်းပေးမည်ဟု ကမ်းလှမ်းခဲ့ကြောင်း ဘင်္ဂလားဒေ့ရ်ှအစိုးရက နိုဝင်ဘာ ၁၈ ရက်တွင် ထုတ်ပြန်ခဲ့သည်။ သိန်းနှင့်ချီသည့် ဘင်္ဂါလီဒုက္ခသည်များအား ပြန်ခေါ်ရေးအတွက် မြန်မာနိုင်ငံအပေါ် တရုတ်က ဖိအားပေးရန် ဘင်္ဂလားဒေ့ရ်ှက မျှော်လင့်နေစဉ် ယခုပြောကြားမှု ထွက်ပေါ်လာခြင်းဖြစ်သည်။ လက်ရှိတွင် ဘင်္ဂလားဒေ့ရှ်၏ဒုက္ခသည်စခန်းများတွင် ဘင်္ဂါလီဒုက္ခသည် ၆၀၀,၀၀၀ ကျော်ရှိနေသည်။ ဘင်္ဂလားဒေ့ရ်ှအစိုးရသည် သြဂုတ်လနောက်ပိုင်း ရောက်ရှိလာသည့်ဒုက္ခသည်များကို မြန်မာနိုင်ငံသို့ အမြန်ဆုံးပြန်ပို့ရန် လိုလားနေပြီး မြန်မာနိုင်ငံ၏ ခိုင်မာသော မဟာမိတ်တရုတ်ထံမှလည်း အကူအညီရရန် အလွန်အမင်း လိုလားလျက်ရှိသည်။ ထိုကိစ္စနှင့်ပတ်သက်ပြီး မြို့တော်ဒါကာတွင် ဘင်္ဂလားဒေ့ရ်ှနိုင်ငံခြားရေးဝန်ကြီး အေအိတ်ခ်ျမာမွတ်အလီသည် နိုဝင်ဘာ ၁၈ ရက်က တရုတ်နိုင်ငံခြားရေးဝန်ကြီး ၀မ်ယီနှင့် တွေ့ဆုံဆွေးနွေးခဲ့ကြသည်။ “မြန်မာနိုင်ငံသားတွေ အစုလိုက်အပြုံလိုက် ရွှေ့ပြောင်းမှုဖြစ်ပေါ်နေစဉ်မှာ တရုတ်ဟာ မိတ်ဆွေတစ်ဦးအနေနဲ့ ဘယ်ဘက်ကိုမှ မလိုက်ဘဲ အခုကိစ္စကို ကူညီဖြေရှင်းပေးမယ်လို့ တရုတ်နိုင်ငံခြားရေးဝန်ကြီးက ဆိုပါတယ်” ဟု ဆွေးနွေးပွဲအပြီး၌ ဘင်္ဂလားဒေ့ရှ် နိုင်ငံခြားရေး ၀န်ကြီးဌာန၏ ထုတ်ပြန်ချက်ထဲတွင် ဖော်ပြခဲ့သည်။ ယခုဖြစ်စဉ်နှင့်ပတ်သက်ပြီး ဘင်္ဂလားဒေ့ရ်ှနှင့် မြန်မာတို့ကြားတွင် စေ့စပ်ဆွေးနွေးမှုများ ဆက်လက်လုပ်ဆောင်ရေးမှာ အရေးကြီးကြောင်းလည်း ၀မ်ယီက အလေးပေးပြောကြားသွားခဲ့သည်။ သို့သော် တရုတ် အစိုးရအနေနှင့် မည်သို့သော ခိုင်မာသည့် ခြေလှမ်းမျိုး လှမ်းမည်နှင့် ပတ်သက်သော အသေးစိတ် အချက်အလက်များကိုမူ မထုတ်ဖော်ခဲ့ပေ။ ပြဿနာများအတွက် နှစ်ဦးနှစ်ဖက် ပါဝင်မှုရှိသည့် သင့်တော်သည့်ဖြေရှင်းချက်တစ်ခုကို တရုတ်က ထောက်ခံမည်ဖြစ်သည့်အကြောင်း ၀မ်ယီက ဒါကာရှိ တရုတ်သံရုံး၌ ပြုလုပ်ခဲ့သော ပြည်တွင်းမီဒီယာများသို့ သတင်းစာရှင်းလင်းပွဲအတွင်း ပြောကြားခဲ့သည်ဟု ဘင်္ဂလားဒေ့ရှ် ပုဂ္ဂလိကသတင်း အေဂျင်စီ UNB တွင် ဖော်ပြခဲ့သည်။ သို့ သော် ကုလသမဂ္ဂတွင် မြန်မာနိုင်ငံအား ဝေဖန်ရန် သို့မဟုတ် အပြစ်ပေးရန် နောက်ထပ်လုပ်ဆောင်မှုများကို မလုပ်ကြရေးအတွက် သတိပေးသွားခဲ့သည်။ ဒုက္ခသည်အရေးအတွက် ဘင်္ဂလားဒေ့ရ်ှသို့ လာရောက်ဆွေးနွေးကြမည့် အာရှနှင့် ဥရောပမှ နိုင်ငံခြားရေးဝန်ကြီးများအနက် ၀မ်သည် ပထမဆုံးဖြစ်လာခဲ့သည်။ ဘင်္ဂလားဒေ့ရ်ှနိုင်ငံခြားရေးဝန်ကြီးအလီသည် နိုဝင်ဘာ ၁၉ ရက်တွင် ဒုက္ခသည်စခန်းများအား ကြည့်ရှုစေရန် ဂျာမနီ ၊ ဆွီဒင်၊ ဂျပန်နိုင်ငံခြားရေးဝန်ကြီးနှင့် ဥရောပသမဂ္ဂ သံတမန်ချုပ် ဖီဒရီကာ မိုဟာရီနီတို့ကို နယ်စပ်မြို့ ကော့ဘဇားသို့ ခေါ်ဆောင်သွားမည်ဖြစ်သည်။ =========== Eleven Media Group ဖေအောင် http://news-eleven.com/news/22873

“တန်ဆောင်မုန်းလပြည့် သာမညဖလအခါတော်နေ့”

••••••••••••••••••••••••••••••••••••••••••••••••••••• ဘုရားရှင်သည် အဇာတသတ်မင်းအား တန်ဆောင်မုန်းလပြည့်နေ့တွင် သာမညဖလသုတ္တန်တရားကို ဟောကြားတော်မူသည်။ ထို့ကြောင့် တန်ဆောင်မုန်းလပြည့်နေ့ကို “သာမညဖလအခါတော်နေ့”အဖြစ် သတ်မှတ်ကျင်းပခဲ့ကြလေသည်။ “သာမညဖလ” ၏ အဓိပ္ပာယ်မှာ “ရဟန်းပြုရခြင်း၏အကျိုး” ဟု အဓိပ္ပာယ်ရသည်။ရဟန်းပြုခြင်း၏အကျိုးကို ဟောကြားသောနေ့ဖြစ်ခြင်းကြောင့် တန်ဆောင်မုန်းလပြည့်နေ့ကို “သံဃာတော်များနေ့” ဟု ခေါ်ဆိုလျှင်လည်း ရနိုင်သည်။ သာမညဖလသုတ်တော်သည် ဒီဃနိကာယ်၊ သီလခန္ဓဝဂ္ဂပါဠိတော်၌ လာရှိသည်။ သာမညဖလသုတ်တော်သည် ရဟန်းသံဃာတော်များအတွက် ကြေးမုံမှန်ချပ်ကြီးတစ်ခုသဖွယ်ဖြစ်သည်။ ကိုယ်ကျင့်သီလရှိသည်၊ မရှိသည်ကို ဤသုတ်ဖြင့် ထင်ဟပ်စေနိုင်သည်။ သာမညဖလသုတ်သည် လူဒါယကာများအတွက် ပြဒါးချိန်ကြီးသဖွယ်ဖြစ်သည်။ မိမိတို့ကိုးကွယ်နေသောဆရာသမားတို့၏ ကျင့်ကြံမှု ဟုတ်၊ မဟုတ်၊ မှန်၊မမှန်ကို ဤသုတ္တန်ဖြင့် ချိန်ကိုက်ကြည့်နိုင်သည်။ အဇာတသတ်မင်းသားလေးသည် အသိဉာဏ်နုနယ်စဉ်အချိန် အရှင်ဒေဝဒတ်၏ စည်းရုံးမှုကိုခံရ၍ အရှင်ဒေဝဒတ်ကို အထင်ကြီးကာ ကိုးကွယ်ဆည်းကပ်မိလေသည်။ ဆရာကုန်မှားတော့တစ်သံသရာလုံးမှောက်ဆိုသည့်အတိုင်း ဆရာတင်မှားမှုကြောင့် ဖခင်ဘုရင်ဗိမ္ဗိသာရကိုသတ်မိသည်အထိ အမှားကြီးမှားမိတော့သည်။ ဆင်းတု၊စေတီ၊ဟောတရား စသည့်ကိုးကွယ်မှုတွေ များပြားဖောင်းပွလွန်းသော ယခုလိုခေတ်ကြီးထိမှာ ကိုးကွယ်မှုဘက်က ဖောင်းပွလျှင် ကုသိုလ်တရားဘက်က ကြုံ့သွား၊ ကျစ်သွားတတ်သည်ကို သတိပြုရမည်ဖြစ်သည်။ အဇာတသတ်သည် ဖခင်ဘုရင်ဗိမ္ဗိသာရကို သတ်မိသည့် အချိန်မှစ၍ ညတိုင်အိပ်မပျော်သော ရောဂါဝေဒနာ စွဲကပ်တော့သည်။ သူ့မျက်လုံးတွေကို လှံချက်ပေါင်း အရာအထောင်မကထိုးဆွခြင်း ခံရသလို ဝေဒနာခံစားရသည်။ ထိုဝေဒနာကို ပျောက်ကင်းအောင် မည်သည့်သမားတော်၊ မည်သည့်ဆေးစွမ်းကောင်းမှ မစွမ်းနိုင်ဖြစ်နေသည်။ တန်ဆောင်မုန်းလပြည့် ညတစ်ညမှာ အဇာတသတ်မင်းသည် မှူးမတ်ပေါင်းစုံညီဖြင့် ညီလာခံသဘင် ဆင်ယင်ကျင်းပနေစဉ် ဆီးနှင်း မြူတိမ်သူရိန်မီးခိုး ညစ်မျိုးငါးဝ ကင်းစင်ပသဖြင့် ကြည်နူးသာယာဖွယ်ကောင်းလှသည့် တန်ဆောင်မုန်းလပြည့် ညအလှကို ကြည့်ရှုခံစားပြီး “မွေးလျော်ဖွယ်ကောင်းလှသော ညတစ်ညပါတကား၊ အလွန်လှပသော ညတစ်ညပါတကား ရှုချင်စဖွယ်ကောင်းလှသော ညတစ်ညပါတကား” ဟု တန်ဆောင်မုန်းလပြည့်ညအလှကို ချီးကျူးလေသည်။ အဇာတသတ်လည်း တကယ်တော့ အလှအပကိုခံစားတတ်သူတစ်ဦးဖြစ်တာကို တွေ့ရ၏။ အဇာတသတ်မင်းက “ယခုကဲ့သို့ သာယာလှပသောညချမ်းမှာ အဘယ်ပညာရှိ ရဟန်းပုဏ္ဏားကို ချည်းကပ်ရလျှင် ကိုယ်တော်မြတ် စိတ်တော် ကြည်လင်နိုင်မည်နည်းး” ဟု မေးသောအခါ မှူးကြီးမတ်ကြီးတွေက သူတို့နီးစပ်ရာ တိတ္ထိဆရာကြီး ခြောက်ယောက်နာမည်တွေကို ပြောပြကြသည်။ ဘုရင်အတိုင်ပင်ခံ ပုဂ္ဂိုလ်အများစုသည် သမ္မာဒိဋ္ဌိတွေ မဟုတ်ကြဆိုတာကို သတိပြုမိသည်။ ✦ပုရာဏကဿပဆရာကြီးက အကိရိယဝါဒ= ဘာမှလုပ်စရာမလိုဟူသော ဝါဒသမားဖြစ်သည်။ မလုပ် ၊မရှုပ် ၊မပြုတ်ဟူသော ဝါဒနှင့်တူသည်။ ✦အဇိတကေသကမ္ဗလဆရာကြီးက နတ္ထိကဝါဒ=ဘာမှမရှိ ဟူသော ဝါဒသမားဖြစ်သည်။ ✦မက္ခလိဂေါသာလဆရာကြီးက အဟေတုကဝါဒ= ကြောင်းကျိုးပယ် ဝါဒသမား ဖြစ်သည်။ ✦ပကုဓ ကစ္စာယနဆရာကြီးက အကတဝါဒ=မပြုမပြင် ဝါဒသမား ဖြစ်သည်။ ပြုလည်းမပြု ၊ ပြင်လည်းမပြင်သူ ဖြစ်သည်။ ✦သဉ္စယဗေလဋ္ဌဆရာကြီးက အမရာဝိက္ခေပဝါဒ= ဝေ့လည်ချောင်ပတ် ဝါဒသမားဖြစ်သည်။ ✦နိကဏ္ဌနာဋပုတ္တဆရာကြီးက စာတုယာမသံဝရဝါဒ= စောင့်စည်းမှုလေးမျိုးဖြင့် ကံသုံးပါးကို ထိန်းထားသော ဂျိန်းဝါဒဖြစ်သည်။ အဇာတသတ်မင်းသည် အမတ်ကြီးတို့၏ တင်ပြချက်ကို လက်မခံဘဲ ဆရာဇီဝကကို မေးတော်မူရာ ဆရာဇီဝက၏ အကြံပေးချက်အရ ဘုရားရှင်အထံသို့ ချဉ်းကပ်ဖို့ရန် ဆရာဇီဝကကို စီစဉ်စေသည်။ ဆရာဇီဝကက ဘုရင့်အနီးမှာ ယောက်ျားကိုယ်ရံတော် တစ်ယောက်မျှမထားရှိဘဲ အမျိုးသမီးကိုယ်ရံတော်တပ်ကို ယောက်ျားအသွင် ဝတ်ဆင်စေပြီး လိုက်ပါစေသည်။ ဆင်မယဉ်သာ ငါးရာပေါ်၌ သက်တော်စောင့်အဖြစ် အမျိုးသမီးစစ်သည်တော် ငါးရာကို လိုက်ပါစောင့်ရှောက်စေပြီး ဘုရားကျောင်းတော်သို့ သွားရန် စီစဉ်ပေးသည်။ အဇာတသတ်မင်း ဘုရားရှင်ထံ ဖူးမြော်ရန်သွားသောအချိန်သည် တန်ဆောင်မုန်းလပြည့်နေ့ ညချမ်းအချိန် ဖြစ်သည်။ ထိုအချိန်က ဘုရားရှင်သည် ရာဇဂြိုလ်မြို့အနီးဇီဝကသရက်ဥယျာဉ်၌ သီတင်းသုံးလျက်ရှိသည်။ ဘုရားကျောင်း တော်သို့သွားသောအခါ -ညအခါ ဖြစ်သည်ကတစ်ကြောင်း၊ -တောရိပ်၊သစ်ရိပ် ဖုံးအုပ် နေသဖြင့် အမှောင်ဖုံးနေသည်က တစ်ကြောင်း၊ ထိုနှစ်ချက်ကြောင့် လိုက်ပါသူအားလုံး မီးရှူးးမီးတိုင် ကိုယ်စီထွန်းညှိပြီး သွားကြရသည်။ မီးရှူးမီးတိုင်ကို ပေါရာဏဝေါဟာရအားဖြင့် “တန်ဆောင်(တန်ဆောင်တိုင်)” ဟုခေါ်ဝေါ်သည်။ အဇာတသတ်နှင့် အခြံရံပရိသတ်တို့ တန်ဆောင်မုန်းလပြည့်ည၌ တန်ဆောင်တိုင်မီးထွန်းပွဲ ကျင်းပကြသကဲ့သို့ ဖြစ်သည်။ အဇာတသတ်ဘုရင်က ဘုရားရှင်ထံ ခွင့်ပန်ပြီး သူသိလိုသော အကြောင်းအရာများကို လျှောက်ထား လေသည်။ “ရှင်တော်မြတ်ဘုရား..လောကမှာ အတတ်ကြီးဆယ့်ရှစ်ရပ်စသော အတတ်ပညာတို့သည် မျက်မှောက် လက်ငင်း အကျိုးတရားကို ခံစားရရှိနိုင်ပါသည်။ ရဟန်းပြုခြင်းဖြင့် မျက်မှောက်လက်ငင်း အကျိုးတရားကို ခံစားရရှိနိုင်ပါသလား ဘုရား။ တိတ္ထိဆရာကြီးခြောက်ဦးကို မေးဖူးပါသည်။ သူတို့အားလုံးက သူတို့ဝါဒကိုသာ တင်ပြ၍ ဝေ့လည်ချောင်ပတ် လုပ်ကြပါသည်ဘုရား။”ဟုသာမညဖလ-ရဟန်းပြုခြင်း၏မျက်မှောက်လက်ငင်းအကျိုးကိုမေးလျှောက်သည်။ ဘုရားရှင်၏အဖြေကို ချုပ်၍တင်ပြရလျှင် “ရဟန်းပြုသဖြင့် မျက်မှောက်လက်ငင်း ရနိုင်သော အကျိုး” တို့မှာ- (၁)။ မင်းခစားဘဝနှင့် မင်းပြစ်မင်းဒဏ်မှ ကင်းလွတ်ရခြင်းအကျိုး၊ (၂)အခွန်ထမ်းဆောင်ခြင်းမှကင်းလွတ်ရခြင်းအကျိုး၊ (၃)။ ပါတိမောက္ခသံဝရသီလနှင့် ပြည့်စုံသဖြင့် အပါယ်လေးပါးမှ ကင်းဝေးရခြင်း အကျိုး၊ (၄)ဒုစရိုက်တရားတို့ကိုရှောင်ကြဉ်သဖြင့် ဒုစရိုက်ဒုက္ခမှ ကင်းလွတ်၍ စူဠသီလနှင့် ပြည့်စုံရခြင်း အကျိုး၊ (၅)။ ပွဲသဘင်အမျိုးမျိုး၊ကစားပွဲအမျိုးမျိုး၊ မကောင်းသော စကားအမျိုးမျိုးတို့မှ ရှောင်ကြဉ်သဖြင့် ထိုဒုက္ခတွေမှ ကင်းလွတ်၍ မဇ္ဈိမသီလနှင့် ပြည့်စုံရခြင်း အကျိုး၊ (၆)။ နက္ခတ် ဗေဒင် ယတြာဆေးကုပေးခြင်း စသည်တို့မှ ရှောင်ကြဉ်သဖြင့်အာဇီဝပါရိသုဒ္ဓိသီလနှင့် ညီညွတ်၍ မဟာသီလနှင့် ပြည့်စုံရခြင်းအကျိုး၊ (၇)ဣနြေ္ဒခြောက်ပါးလုံးအကုသိုလ်မဖြစ်အောင် စောင့်စည်းနိုင်ခြင်း အကျိုး၊ (၈)။ သတိနှင့်ပြည့်စုံခြင်း အကျိုး၊ (၉)။ သမ္ပဇဉ်ခေါ် ဆင်ခြင်တုံတရားနှင့် ပြည့်စုံခြင်းအကျိုး၊ (၁ဝ)။ သန္တောသ-စားဝတ်နေရေး ရောင့်ရဲနိုင်ခြင်းအကျိုး၊ (၁၁)။ နီဝရဏငါးပါးမှ ကင်းလွတ်ရခြင်း အကျိုး၊ (၁၂)။ ဈာန်တရားတွေ ရနိုင်ခြင်းအကျိုး၊ (၁၃)။ ဝိဇ္ဇာဉာဏ်ရှစ်ပါးနှင့်ပြည့်စုံ၍ မဂ်ဖိုလ်ရခြင်းအကျိုး၊ အထက်ပါအကျိုးတရားတို့သည် သာမညဖလခေါ် ရဟန်းပြုသဖြင့် မျက်မှောက်လက်ငင်းရရှိနိုင်သော အကျိုးတရားတို့ဖြစ်ကြသည်။ အဇာတသတ်မင်းသည် သာမညဖလတရားတော်ကို နာကြားရသည့်အတွက် အိပ်မပျော်သောရောဂါ လုံးဝပျောက်ကင်းသွားတော့သည်။ ရတနာသုံးပါးအပေါ် နှစ်နှစ်ကာကာ ယုံကြည်သွားတော့သည်။ ပုထုဇဉ်တို့တွင် ရတနာသုံးပါးကို အကြည်ညိုဆုံးပုဂ္ဂိုလ်အဖြစ် ဧတဒဂ်ပေးမှတ်တမ်းတင်ခြင်းခံရသည်။ ဒုက္ခကြီးလေးသော မဟာအဝီစိငရဲ၌ မကျတော့ဘဲ၊ဒုက္ခပေါ့ပါးသော လောဟကုမ္ဘီငရဲငယ်၌သာ ခံစားရတော့မည်။ နောင်အနာဂတ်ကာလ၌ “ဝိဇိတာဝီ အမည်ြဖင့် ပစ္စေကဗုဒ္ဓါတစ်ပါး” ဖြစ်ရမည်။ အဇာတသတ်မင်းသည် ပထမသံဂါယနာတင် ဒကာအဖြစ် ခံယူရသည်။ ဘုရားရှင်၏ဓာတ်တော်များကို စုဆောင်းသိမ်းဆည်း၍ ဓာတ်တော်တိုက်ကြီးတည်ထားခဲ့သည်။ ဗုဒ္ဓသာသနာနှစ်ကို အတိအကျ သတ်မှတ်ခဲ့သည်။ ဗုဒ္ဓဘာသာဝင်တို့ သာသနာနှစ်ကို အတိအကျသုံးစွဲခွင့် ရရှိနေသည်မှာ အဇာတသတ်မင်း၏ ကျေးဇူးဖြစ်သည်။ နောင်အခါ သီရိဓမ္မာသောကမင်းကြီးသည် အဇာတသတ်မင်း၏ စုဆောင်း ထားသော ဓာတ်တော်များကို ရှာဖွေ၍ စေတီပေါင်းရှစ်သောင်းလေးထောင် တည်ထားကိုးကွယ်သာသနာပြုခဲ့သောကြောင့်နှောင်းခေတ်ဗုဒ္ဓဘာသာဝင်များဖူးမြော်ကြရသည်။ မြန်မာ့ရိုးရာ ဆယ့်နှစ်လရာသီပွဲတော်များ အနက် တန်ဆောင်မုန်းလတွင် ပြုလုပ်ကျင်းပလေ့ရှိသောပွဲတော်များသည် -တန်ဆောင်တိုင် မီးထွန်းပွဲတော်၊ -ကထိန်သင်္ကန်း အလှူပွဲတော်၊ -မသိုးသင်္ကန်း ရက်လုပ်ပွဲတော်၊ -မဲဇလီဖူးသုပ် ဝေငှသောပွဲတော်၊ -ကျီးမနိုး ပွဲတော်၊ -သာမညဖလအခါတော်နေ့ ပွဲတော်များ ဟူ၍ ခုနှစ်မျိုးခန့်ရှိသဖြင့် တန်ဆောင်မုန်းလသည် ရိုးးရာပွဲတော် အများဆုံးလဟု ဆိုရပေတော့မည်။ ။ -【စာရိုက်ပူဇော်သူ - Admin Team of Young Buddhist Association】 【အရှင်သံဝရာလင်္ကာရ-ဓမ္မပိယဆရာတော်】 Posted by► www.facebook.com/youngbuddhistassociation.mm ▬▬▬▬▬▬▬▬▬▬▬▬▬▬▬▬▬▬▬▬▬ “တန်ဆောင်မုန်းလပြည့် သာမညဖလ အခါတော်နေ့ သိမှတ်ဖွယ်ရာများ” ▬▬▬▬▬▬▬▬▬▬▬▬▬▬▬▬▬▬▬▬▬ မြတ်စွာဘုရားရှင်က အဇာတသတ်မင်းအား တန်ဆောင်မုန်းလပြည့်နေ့တွင် သာမညဖလ သုတ္တန်တရားကို ဟောကြားတော်မူသည်ကို အကြောင်းပြု၍ တန်ဆောင်မုန်လပြည့်နေ့၌ သာမညဖလအခါတော်နေ့ အထိမ်းအမှတ် ကျင်းပရခြင်း ဖြစ်ပါသည်။ (၁)။သာမညဖလဆိုသည်မှာ ရဟန်းပြုရခြင်း၏အကျိုးဟု အဓိပ္ပါယ်ရပါသည်။ (၂)။ရဟန်းပြုရခြင်း၏ အကျိုးကို ဟောကြားသောနေ့ဖြစ်၍ တန်ဆောင်မုန်းလပြည့်နေ့ကို “သံဃာတော်များနေ့”ဟု ခေါ်ဆိုနိုင်ပါသည်။ (၃)။သာမညဖလသုတ်သည် ဒီဃနိကာယ် သီလက္ခန္ဓဝဂ္ဂ ပါဠိတော်၌ လာရှိပါသည်။ (၄)။သာမညဖလသုတ်သည် ရဟန်းသံဃာတော်များအဖို့ ကြေးမုံမှန်ချပ်ကြီးသဖွယ် ဖြစ်၍ ကိုယ် ကျင့်သီလ ရှိသည် ၊မရှိသည်ကို ဤသုတ်ဖြင့်ထင်ဟပ်စေနိုင်ပါသည်။ (၅)။သာမညဖလသုတ်သည် လူဒါယကာများအဖို့ပြဒါးချိန်ကြီး သဖွယ် ဖြစ်၍ မိမိတို့ ကိုးကွယ်နေသော ဆရာသမားများ၏ကျင့်ကြံမှုဟုတ်မဟုတ်မှန်မမှန်ကိုဤသုတ္တန်ဖြင့်ချိန်ကိုက်ကြည့်နိုင်ပါသည်။ (၆)။အဇာတသတ်မင်းသားသည် ဒေဝဒတ်ကို ဆရာတင်မိ၍ အပေါင်းမှားပြီးဖခင်ဖြစ်သူဗိမ္ဗိသာရမင်းကြီးကို သတ်မိသောကြောင့်ကံကြီးထိုက်ပြီး အိပ်မပျော်သောဝေဒနာ စွဲကပ်ခဲ့ပါသည်။ (၇)။ယင်းဝေဒနာကို ကုစားရင်း အမတ်များ၏အကြံပြုချက်အရ တိတ္ထိဆရာကြီး ၆-ယောက်ထံ သွားရောက်ပြီး ရဟန်းပြုခြင်း၏အကျိုး (သာမညဖလ)ကို စုံစမ်းမေးမြန်းရာ ကျေနပ်သောအဖြေကို မရရှိခဲ့ပါ။ (၈)။နောက်ဆုံး သမားတော်ကြီးဇီဝက၏ အကြံပြုချက်အရ ရာဇဂြိဟ်မြို့အနီး ဆရာဇီဝကလှူထားသောသရက်ဥယျာဉ်တော၌ သီတင်းသုံးလျက်ရှိသောမြတ်စွာဘုရားထံသို့ သွားရောက်ပြီး၊ လျှောက်ထားသောအခါမှ သူသိလိုသော ရဟန်းပြုခြင်း၏အကျိုး(သာမညဖလ)ကို သိရှိရပါတော့သည်။ (၉)။အဇာတသတ်မင်းသည် သာမညဖလသုတ်တရားတော်ကို ကြားနာရသည့်အချိန်မှ စ၍ ဗုဒ္ဓသာသနာတော်ကိုသက်ဝင်ယုံကြည်လာပြီးပုထုဇဉ်များထဲမှ ရတနာသုံးပါးကို အကြည်ညိုဆုံးပုဂ္ဂိုလ်တစ်ဦး ဖြစ်လာပါသည်။ (၁၀)။အဇာတသတ်မင်းသည် သာမညဖလသုတ်တရားတော်ကို ကြားနာရ၍ သူ၏အပြစ်ကိုကုစားခဲ့သောကြောင့် အပြစ်ကြီးလေးသောမဟာအဝီစိငရဲတွင် မကျတော့ဘဲအပြစ်ဒဏ်ပေါ့သောလေဟ ကုမ္ဘီငရဲ၌သာ ကျရောက်ပြီး နောင်သောအခါ “ဝိဇိတာဝီ” မည်သော ပစ္စေကဗုဒ္ဓါဖြစ်၍ ကျွတ်တမ်းဝင်ရပါလိမ့်မည်။ (၁၁)။အဇာတသတ်မင်းတရားသည် -ပထမသင်္ဂါယနာတင် ဒါယကာအဖြစ်ခံယူခဲ့ခြင်း၊ -မြတ်စွာဘုရား၏ ဓာတ်တော်များကို စုဆောင်းသိမ်းဆည်း၍ ဓာတ်တော်တိုက်ကြီး တည်ထားခဲ့ခြင်း၊ -ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်း၊ သာသနာပြုလုပ်ငန်းကြီးသုံးရပ်ကို လုပ်ဆောင်သွားခဲ့သည်မှာ ဗုဒ္ဓဘာသာဝင်များအတွက် ကျေးဇူးကြီးလှပါပေသည်။ (၁၂)။ပိဋကတ်တော်များကို မပျက်စီးရအောင်သင်္ဂါယနာအဆက်ဆက်တင်၍ ယနေ့တိုင်အောင် ထိန်းသိမ်းထားနိုင်ခြင်းမှာ အဇာတသတ်မင်း၏ ကျေးဇူးဟု ဆိုထိုက်ပါပေသည်။ (၁၃)။အဇာတသတ်မင်း စုဆောင်းထားသောဓာတ်တော် များကို ရှာဖွေ၍ သီရိဓမ္မာသောကမင်းကြီးက စေတီပေါင်း ရှစ်သောင်းလေးထောင်တည်ထား၍ သာသနာပြုခဲ့သောကြောင့် နှောင်းခေတ်ဗုဒ္ဓဘာသာဝင်တို့ ဖူးမြော်ခွင့် ရရှိနေကြခြင်း ဖြစ်ပါသည်။ (၁၄)။ဗုဒ္ဓဘာသာဝင်တို့ သာသနာနှစ်ကို အတိအကျ သုံးစွဲခွင့်ရရှိနေသည်မှာ အဇာတသတ်မင်း၏ကျေးဇူး၊သာမညဖလသုတ်၏ အကျိုးဆက်ဟု ဆိုထိုက်ပါသည်။ ။ 【စာရိုက်ပူဇော်သူ - Admin Team of Young Buddhist Association】 -【အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ မဟာသဒ္ဓမ္မဇောတိကဓဇ ဘဒ္ဒန္တပညာသာမိ(မာဂဓီ-သာစည်) ဆရာတော်ဘုရားကြီး၏ “အခါတော်နေ့များ-နှာ၁၇၅-မှ-”】 Credit ► www.facebook.com/youngbuddhistassociation.mm